Sognefjordrennet 2008 vart ei oppleving av dei sjeldne

Det er sjeldan at ein ein arrangør får meir skryt enn Syril fekk etter Sognefjordrennet palmelaurdag. Det einaste minuset var at det var langt fram til løypa frå Kleppa. For oss systrendingar er ikkje det noko problem sjølvsagt, sidan det alltid har vore slik. Med området ved Aoreveitadn har Syril og Leikanger den flottaste arenaen for fjellrenn i Sogn, etter IL Fanaråk, Turtagrø, Dyrhaugsryggen og Tinderittet (3.mai). Dyrhaugsryggen er kongen i Norge, men Kjeringi MÅ vera dronningi. Både cross-løypa og fjellrenn-løypa fekk uhorveleg mykje skryt.

Prikken over i-en er målområdet, med musikk av Tor Talle, speaker frå Feios, grilling av Leikanger Røde Kors og eit perfekt amfi for publikum, som ser løparane koma stupande ned fjellsidene, før dei passerar mållinja. Det kan ikkje bli betre. Til og med kaffitraktar hadde dei i straumlause målområdet. Det var ikkje berre ein person denne dagen som fantaserte om veg til Stokksete og skitrekk til Kjeringi. For eit potensiale Leikanger har i fjellet.

Syril Telemark vil med dette takka deltakarar, publikum, funksjonærar, sponsorar og samarbeidspartnarar for innsatsen! Tusen takk alle saman, og velkomne att neste år.

RESULTAT i menyen til venstre.

Dei glade vinnarane av Norgescupen i fjelltelemark under Sognefjordrennet den 15. mars 2008. Frå venstre har me Ida Fromreide, Sogndal IL, (5:40 - jenter junior). Nils Bjarne Krohn, Åndalsnes IF (3:23 gutar senior), Johannes Hustveit, Sogndal IL (4:36 gutar junior) og Silje Storevik Moe, Syril (4:40 jenter senior). Meir ord og bilder om rennet dei komande dagane.

Velkomen til Sognefjordrennet, Leikanger og Sognefjorden.

Idrettslaget SYRIL vil den 15. mars arrangera Sognefjordrennet for 4. gong. Sognefjordrennet har fått status som NORGESCUPRENN FJELLTELEMARK. Det er fyrste gong fylket deltek i denne cupen. Telemarksgruppa i SYRIL reknar med stor deltaking frå heile landet, og vil laga eit topp program for dei tilreisande.

Velkomen til Fjell Cross. Dette er eit renn for barn, ungdom og vaksne. Dette rennet går i preparert løype, og høver for alle aldrar. Dei minste kan køyra saman med foreldre eller andre føresatte. Fjell Cross rennet er eitt av 3 renn i TELENOR KARUSELL. Dei andre renna går i Sogndal og i Luster (Tinderittet Junior).

Arena for renni er Kjeringafjellet. Frå Kjeringi er det ein fantastisk utsikt over Sognefjorden, og derav namnet Sognefjordrennet. Dette er fjellet til Kjeringi Open, Norges største "Fjell Cross" Telemark, med over 300 på startstreken.

Sjå bilder og resultat frå tidlegare renn: www.asken.no/sognefjordrennet
Sjå FLASH frå tidlegare renn: www.asken.no

Frå YR har me fylgjande vermelding for målområdet. Sjekk linken for oppdateringar: http://www.yr.no/sted/Norge/Sogn_og_Fjordane/Leikanger/Stokksete/

Frå Telenor karusellen på Kleppa 8. mars 2008.

Her følgjer resultata frå årets renn som PDF-filer
Resultatlist Cross
Resultatliste fjellrennet, kort
Resultatliste fjellrennet, lang
(For å laste ned filene kan du høgreklikke og velje "lagre som...")

Sogndalsrittet er framskunda ein dag, til fredag 22. februar.